سئویملی سویداشلار و آزادلیق سئور اینسانلار!

تهران شوونیست حاکمییتی هر دیکتاتور رئژیم کیمی ،حیاتی نین سون گونلرینه تک آنلادیغی دیل و سیلاحی ساییلان سانسور،اعدام ،ایشکنجه و عمومی توتوقلامالارینی شدت لندیرمیش.

گونئی آذربایجاندا ایسه رئژیم نئچه آیدیرکی چوخ سایدا میللی فعاللاریمیزی حاقسیز و هئچ بیرقانونا دایانمادان توتوقلایاراق چاغ دیشی دوستاقلاریندا ساخلاماسینا باخمایاراق بو ائرقچی/آیریمجی سیاستی نی دوام ائتدیرمکده دیر.

بیز آذربایجان کولتور اوجاغی /کولن،اولاراق رئژیمین سالدیرقان –شوونیست سیاستینه دور دئمک و دونیا مئدیا و آزادلیق سئور اینسانلارینا وهابئله بو حاکمیت ایله اقتصادی-سیاسی-عسگری ارتباط دا اولان اولکه لرین میللت لرینه گونئی ده کی آپارتاید رئژیمی نین چیرکین و غیر اینسانی جنایت لرینی آَنلاتماق و عین زاماندا پهلوی لری بو رئژیمین اصرارلا سوردوردوگو سیاستی نین قوروجولاری اولاراق گونئی آذربایجاندا، 1946 ایلده کی تؤرتدیگی سوی قیریمی آلمان ایجتماعیتینه تانیتماق و شهیدلریمیزی آنماق اوچون شنبه(جمعه ارته سی) گونو ،ساعات 12 دن 14 قدر کؤلن شهری نین ان مشهور کلیساسی ساییلان دوم   قارشی سیندا بیر اعتراض آکسیاسی کئچیرمگه دوشونوروک.

بوتون آزادلیق سئور،اینسانلار و سوی داشلاریمیزدان بو آنتی شوونیست حرکته قاتیلمالارینی آرزو ائدیریک

تشکیلاتلار ویا خود شخصلر کی بو اعتراض آکسیاسیندا ایشتراک و تداروک کومیته سینده یئر آلماق ایستیرلر ،لوطفن بیزه آشاغیداکی ایمیل و تیلفون واسیطه سی ایله 01.12.2007 تاریخینه دک ارتباط قورماغا چالیشسینلار.

یاشاسین آزادلیق

سیاسی محبوسلارا آزادلیق